કોરિયન વાનગીઓએ પોતાના સ્વાદ, વિવિધ સામગ્રીઓ અને તેને બનવવાની ટેકનિકને કારણે સમગ્ર વિશ્વભરમાં વ્યાપક લોકપ્રિયતા હાંસલ કરી છે. ભારતમાં પણ કોરિયન વાનગીઓ ટ્રેન્ડમાં છે. લોકો અલગ-અલગ રીતે કોરિયન વાનગીને ઘરે બનાવીને ટ્રાય કરી રહ્યા છે. આજે અમે આપના માટે કોરિયન કોર્ન ચીઝની રેસિપી લઈને આવ્યા છીએ. જેને ખાધા પછી બાળકો વારંવાર તેને બનાવવાની જીદ કરશે.
ચાલો જાણીએ કોરિયન કોર્ન ચીઝ બનાવવાની રેસિપી વિશે વિગતવાર….
કોરિયન કોર્ન ચીઝ બનાવવા માટે સામગ્રી
- તાજી મકાઈ
- મેયોનેઝ
- મોઝરેલા ચીઝ
- ખાંડ
- લીલી ડુંગળી
- મીઠું અને મરી
બનાવવાની રીત
- કોરિયન કોર્ન ચીઝ બનાવવા માટે સૌથી પહેલા ઓવનને 400 ફેરનહીટ પર પહેલેથી ગરમ કરો.
- જ્યાં સુધી ઓવન ગરમ થાય, ત્યાં સુધીમાં એક બાઉલમાં મકાઈની સાથે મેયોનેઝ, લીલી ડુંગળી, ખાંડ અને મોઝરેલા ચીઝને સારી રીતે મિક્સ કરો.
- હવે એક મિક્સિંગ બાઉલમાં આ બધી વસ્તુઓને સારે રીતે મિક્સ કરો. પછી તેમાં મીઠું અને મરી ઉમેરીને સારી રીતે મિક્સ કરો.
- ત્યારબાદ આ મિશ્રણને ગ્રીસ કરેલી બેકિંગ ટ્રેમાં નાખો. પછી ચીઝ કોર્નને 10 મિનિટ સુધી બેક કરો જેથી ચીઝ બરાબર ઓગળી જાય.
- હવે તેને બ્રાઉલરમાં નાખીને બ્રાઉન થવા દો. તે બે મિનિટની અંદર બ્રાઉન થઈ જશે. કોરિયન ચીઝ કોર્ન તૈયાર છે, તેને સર્વ કરો.