ભારતીય નાસ્તામાં ગાઠિયાની સાથે પપૈયાનો સંભારો જરરૂ હોય છે. તે સ્વાદમાં એકદમ સ્વાદિષ્ટ લાગે છે. આજે અમે આપને પપૈયાના સંભારાને ઘરે બનાવતા શીખવીશું. તેને બનાવવામાં વધારે સમય પણ નહીં લાગે. તો ચાલો જાણીએ પપૈયાના સંભારાને બનાવવાની રીત….
સામગ્રી
1 કપ છીણેલા કાચા પપૈયા
3-4 સમારેલા લીલા મરચા
1/4 ચમચી રાઈ
1 ચપટી હિંગ
1 ચપટી હળદર પાવડર
1 ચમચી તેલ
સ્વાદ મુજબ મીઠું
2 ચમચી પાણી
બનાવવાની રીત
- નોન-સ્ટીક અથવા જાડા આધારિત પેનમાં મીડિયમ આંચ પર તેલ ગરમ કરો. તેમાં રાઈના દાણા ઉમેરો, જ્યારે તે તતડે ત્યારે તેમાં એક ચપટી હિંગ ઉમેરો.
- ત્યારબાદ તેમાં લીલા મરચા ઉમેરો અને 1/2 મિનિટ માટે ફ્રાય કરો. તેમાં છીણેલું પપૈયું અને મીઠું ઉમેરો. સારી રીતે મિક્સ કરી મીડિયમ આંચ પર 2-3 મિનિટ સુધી ચડવા દો.
- 2 ચમચી પાણી ઉમેરો, સારી રીતે મિક્સ કરો. તેને ઢાંકીને ધીમી આંચ પર લગભગ 4-5 મિનિટ સુધી પપૈયું થોડું ક્રિસ્પી રહે ત્યાં સુધી પકાવો. તે ચોંટી ન જાય તે માટે વચ્ચે-વચ્ચે હલાવતા રહો.
- તે પછી તેમાં હળદર પાવડક ઉમેરીને બરાબર મિક્સ કરી લો. ગેસ બંધ કરો અને તૈયાર કરેલ સંભારને સર્વિંગ બાઉલમાં કાઢી લો.