આમલી પાચન શક્તિને મજબૂત બનાવવામાં મદદરૂપ સાબિત થઈ શકે છે. આમલી ખૂબ જ ફાયદાકારક છે. જો તમે તેનું સેવન કરશો તો તે પાચનતંત્રને મજબૂત રાખશે. તેની સાથે સ્વાસ્થ્યને પણ ઘણા ફાયદા થશે.
આમલી અનેક પ્રકારના પોષક તત્વોથી ભરપૂર છે. તેમાં એન્ટી-બેક્ટેરિયલ, એન્ટી-ઓક્સીડેન્ટ ગુણો જોવા મળે છે, જે સ્વાસ્થ્ય માટે ઘણી રીતે ફાયદાકારક છે. આ સિવાય આમલીમાં ફાઈબર, આયર્ન, કેલ્શિયમ જેવા વિટામિન્સ મળી આવે છે. જે શરીરને અનેક રોગોથી બચાવે છે. ચાલો જાણીએ આમલીના સ્વાસ્થ્ય લાભો વિશે….
પાચન શક્તિ વધારવામાં મદદરૂપ:
આમલી ખાવાથી પાચન શક્તિ મજબૂત બને છે. આમલીમાં ફાઈબર અને અન્ય પોષક તત્વો હોય છે. માહિતી અનુસાર, જે વ્યક્તિને એસિડિટી હોય અથવા ભૂખ ન લાગતી હોય, તે 1-2 ચમચી આમલીનો રસ કાળા મરીના પાવડરમાં ભેળવીને પી શકે છે. તેનાથી પાચન સંબંધી સમસ્યાઓમાં રાહત મળી શકે છે.
વજન નિયંત્રિત રહેશે:
આમલી ખાવાથી વજન ઘટાડવામાં મદદ મળે છે. શું તમે પણ વજન ઘટાડવાનું વિચારી રહ્યા છો, તો તમારા આહારમાં આમલીનો સમાવેશ કરો. આમલીમાં હાજર હાઇડ્રોક્સિલ એસિડ ચરબી ઘટાડે છે. આમલી ખાવાથી પેટ લાંબા સમય સુધી ભરેલું રહે છે અને ભૂખ નથી લાગતી, જેના કારણે તમે વધુ ખાવાનું ટાળો છો.
દાંત માટે ફાયદાકારક:
આમલીનું સેવન દાંતના સ્વાસ્થ્ય માટે ફાયદાકારક છે. દાંતની પીળાશ દૂર કરવા માટે આમલીનો ઉપયોગ કરો. મળતી માહિતી મુજબ આ માટે આમલીના બીજનો પાવડર બનાવો. પછી તેને દાંત પર ઘસો, આમ કરવાથી તમારા દાંત ચમકદાર બની શકે છે.
(નોંધ: આ લેખ માં આપેલી તમામ માહિતી માત્ર જાણકારી નાં ઉદ્દેશ્ય થી આપવામાં આવી છે. સ્વાસ્થ્ય ને લગતી કોઈ પણ માહિતી નું પાલન કરતા પહેલા તમારા ડૉક્ટર ની સલાહ અવશ્ય લેવી.)