દેશભરમાં ધામધૂમથી દિવાળીના તહેવારની ઉજવણી કરવામાં આવી રહી છે. આવતીકાલે બેસતું વર્ષ છે. બેસતા વર્ષના દિવસે લોકો એકબીજાના કરે નવા વર્ષની શુભેચ્છા પાઠવવા માટે જાય છે. આ દરમિયાન ઘરે આવેલા મહેમાનોનું મીઠાઈ ખવડાવીને મોઢુ મીઠું કરાવવામાં આવે છે. ત્યારે બેસતા વર્ષના દિવસે તમારા ઘરે આવતા મહેમાનો માટે તમે ઘરે જ ચોકલેટ બરફી બનાવી શકો છો.
ચોકલેટ બરફી બનાવવી એકદમ સરળ છે. આવો જાણીએ ચોકલેટ બરફી કેવી રીતે બનાવવી.
સામગ્રી
હોલ વ્હીટ ગ્રેન બિસ્કિટ 12 (ઘઉંના બિસ્કિટ), સો ગ્રામ કાજુ, એક કપ દૂધ, ત્રણ ચમચી કોકો પાવડર, ખાંડ, ઘી
બનાવવાની રીત
- સૌ પ્રથમ હોલ વ્હીટ ગ્રેન બિસ્કિટને લઈને તેને ગ્રાઇન્ડરમાં ભૂકો કરી લો.
- હવે તેને હવે આ બિસ્કિટમાં કોકો પાઉડર અને ખાંડ મિક્સ કરો.
- ત્યાર બાદ ધીમે ધીમે તેમા દૂધ નાખો અને ચમચીથી હલાવતા રહો.
- જ્યારે તે સારી રીતે ભળી જાય ત્યારે તેને લોટની જેમ બાંધી લો.
- હવે ચોકી પર બટર અથવા ઘી લગવી લો. જેથી મિઠાઈ નીચે ચોંટે નહીં, હવે તેને એક વેલણની મદદથી રોટલીની જેમ ચોંકીમાં ફેલાવી દો.
- ત્યાર બાદ તેને મનપસંદ આકારમાં કાપી લો. હવે બરફીને કાજુના ટૂકડાથી સજાવી લો.
- તો તૈયાર છે ચોકલેટ બરફી. ચોકલેટ બરફીમાં ઝીણા કાપેલા ડ્રાયફ્રુટ્સ પણ નાખી શકો છો.