- વરસાદ અને રજાની વધશે મજા
- મગની દાળના દાળવડા હેલ્થ માટે રહેશે બેસ્ટ
- ગરમાગરમ દાળવડાની સાથે ડુંગળી અને મરચા પીરસો
અમદાવાદમાં ધોધમાર વરસાદની શરૂઆત થઈ છે ત્યારે કંઈક ગરમાગરમ ખાવાનું મન થાય તે સ્વાભાવિક છે. ભર શિયાળાની સિઝનમાં વરસાદ શરૂ થયો છે. આ સમયે જો ઘરમાં જ તમને ચાની સાથે ગરમાગરમ દાળવડા, મરચાં અને ડુંગળી મળી જાય તો તેની મજા કંઈક અલગ જ હોય છે.
મોટાભાગના લોકો દાળવડા બહારથી લાવવાનું પસંદ કરે છે. પરંતુ આજે અમે આપને જણાવીશું કે ઘરે જ સરળતાથી કઈ રીતે ટેસ્ટી દાળવડા બનાવીને તેની મજા માણી શકાય છે. તો જાણી લો દાળવડાની આ સિમ્પલ રેસિપી.
સામગ્રી
- 200 ગ્રામ મગની દાળ
- 1 ચપટી હિંગ
- 1 ચમચી આદુંની પેસ્ટ
- 4થી5 મરચાં
- 1 ડુંગળી લાંબી સમારેલી
- 25 ગ્રામ લાલ મરચું
- મીઠું સ્વાદ મુજબ
- તેલ તળવા માટે
રીત
પહેલા મગની દાળને રાતે પલાળી દો. ત્યાર બાદ સવારે તેને મિક્સરમાં અધકચરી વાટી લો અને તેમાં થોડું મીઠું ઉમેરો. હવે આદુંની પેસ્ટ, ઝીણા સમારેલા મરચાં અને હિંગ નાખો. એક પેનમાં તેલ ગરમ કરવા મૂકો. ત્યાર બાદ આ મિશ્રણનું ખીરું તૈયાર કરી લો. ગેસ પર એક કડાઈમાં તેલ ગરમ કરવા મૂકો. તેલ ગરમ થઈ જાય એટલે તેમાં એક પછી એક દાળવડા મૂકતા જાઓ. ધીમા તાપે તેને ગોલ્ડન બ્રાઉન થવા દો. હવે તેલમાંથી કાઢીને મરચાં અને ડુંગળી સાથે ગરમાગરમ દાળવડા પીરસો.