સાઉથ ઈન્ડિયન ફિલ્મ ઈન્ડસ્ટ્રીનો એક જાણીતો ચહેરો અને બી-ટાઉનમાં પણ ડેબ્યુ કરનારી એક્ટેસ નેશનલ ક્રશ રશ્મિકા મંદાના હાલમાં જ તેના ડીપફેક વિડીયોને કારણે ખૂબ જ લાઈમલાઈટમાં આવી ગઈ છે. આ ઘટનાને કારણે એક્ટ્રેસ ભયંકર ડરી ગઈ હતી. રશ્મિકાએ આ વીડિયો બાબતે ટિપ્પણી કરતાં જણાવ્યું હતું કે હું ખૂબ જ ડરી ગઈ છું. બી-ટાઉનના મહાનાયક અમિતાભ બચ્ચન અને ફેન્સે પણ આ ઘટના અંગે રોષ વ્યક્ત કરીને લીગલ એક્શનની માગણી કરી છે.
પરંતુ આપણે અહીં વાત કરી રહ્યા છે ડીપફેક વિડીયો વાયરલ થયા બાદ એક્ટ્રેસના પહેલાં પબ્લિક અપિયરન્સ વિશે. મળી રહેલી માહિતી પ્રમાણે રશ્મિકા મંદાના આ ઘટના બાદ પહેલી જ વખત જાહેરાતમાં જોવા મળી હતી. આ વખતે એક્ટ્રેસ કેઝ્યુઅલ લુકમાં જોવા મળી હતી અને હંમેશાની જેમ જ એક્ટ્રેસ આ લુકમાં પણ અભિનેત્રી ખૂબ જ સુંદર લાગી રહી હતી. આ વખતે રશ્મિકાની સાથે સાથે જ તેનો કો-સ્ટાર રણવીર કપૂર સાથે ટી-સિરીઝની ઓફિસમાંથી બહાર નીકળતો જોવા મળ્યો હતો. સોશિયલ મીડિયા પર વાઈરલ થઈ રહેલા વીડિયોમાં એકટ્રેસ ખૂબ જ ગભરાયેલી દેખાઈ રહી છે.