સાઉથ ઇન્ડિયન ડિશમાં લોકો મસાલા ઢોસા, ઉત્તપમની સાથે-સાથે ઇડલી ખાતા હોય છે. ઇડલી એક એવી ડિશ છે જે ખાવાની બહુ મજા આવતી હોય છે. આમ વાત કરવામાં આવે તો દરેક લોકોના ઘરમાં ઇડલી બનતી હોય છે, પરંતુ આજે અમે તમને જણાવી દઇએ કે તવા ઇડલી કેવી રીતે બનાવશો. આ તવા ઇડલીની રેસિપી શેફ રણવીર બરારે ઇડલીની એક મસ્ત રેસિપી શેર કરી છે. તો જુઓ આ વિડીયો અને ઘરે બનાવો તવા ઇડલી.
સામગ્રી
3 મોટી ચમચી માખણ
એક કટ કરેલી ડુંગળી
એક નાની ચમચી આદુ-લસણની પેસ્ટ
એક મોટી ચમચી લાલ મરચુ અને લસણની પેસ્ટ
એક કટ કરેલુ ટામેટુ
એક કાપેલુ શિમલા મરચા
એક લીલુ મરચુ
અડધી ચમચી લાલ મરચુ
એક નાની ચમચી પાવભાજી
જરૂર મુજબ પાણી
5 થી 6 ઇડલી
એક મોટી ચમચી માખણ
અડધી ચમચી લીંબુનો રસ
ઝીણી સમારેલી કોથમીર
બનાવવાની રીત
- તવા ઇડલી બનાવવા માટે સૌ પ્રથમ ડુંગળી, ટામેટા, શિમલા મરચાને ઝીણાં સમારી લો.
- પછી એક પેન લો અને એને ગરમ કરવા માટે મુકો.
- આ પેનમાં માખણ નાખો.
-
- માખણ પીગળી જાય એટલે ડુંગળી નાખીને સાંતળી લો.
- હવે આદુ, લસણની પેસ્ટ અને રેડ ચિલી તેમજ લસણની ચટણી નાખીને અડધી મિનિટ માટે થવા દો.
- આમાં કટ કરેલુ ટામેટુ નાખો અને સોફ્ટ થવા દો.
- શિમલા મરચા, લીલા મરચા, લાલ મરચુ, પાવ ભાજીનો મસાલો નાખીને એક મિનિટ માટે થવા દો.
- પાણી અને મીઠું નાખો.
- ઇડલીના નાના-નાના ચાર કટકા કરી લો.
- આ ઇડલીને મિશ્રણમાં નાખો અને મિક્સ કરી લો.
- ઢાંકીને 5 થી 6 મિનિટ માટે થવા દો.
- છેલ્લે લીંબુનો રસ, માખણ અને ઝીણી સમારેલી કોથમીર નાખો.
- ગેસ બંધ કરી દો.
- તો તૈયાર છે સ્પાઇસી તવા ઇડલી.
