માગશર માસના આ દિવસે વ્રત અને પૂજા કરવાથી ભગવાન વિષ્ણુ થાય છે પ્રસન્ન, દરેક કામમાં મળે છે સફળતા.
હિંદુ ધર્મમાં માગશર માસને ખૂબ જ પવિત્ર માનવામાં આવે છે. આ મહિનાની મુખ્ય તિથિઓમાં ઉપવાસ કરવાથી ઘણો લાભ થાય છે. 19 ડિસેમ્બર, 2022 ના રોજ વર્ષ 2022 ની છેલ્લી એકાદશી છે. માગશરની આ એકાદશીને સફલા એકાદશી કહેવાય છે. એવું માનવામાં આવે છે કે સફલા એકાદશીના દિવસે વ્રત રાખવાથી અને નિયમો અનુસાર ભગવાન વિષ્ણુની પૂજા કરવાથી દરેક કાર્યમાં સફળતા મળે છે. આ સાથે વ્યક્તિએ આ દિવસે કેટલાક ખાસ નિયમોનું પાલન કરવું જોઈએ.
જો તમે વ્રત ન રાખતા હોવ તો પણ કેટલીક બાબતોનું પાલન કરવાથી ભગવાન વિષ્ણુની કૃપા મળે છે. આવો જાણીએ આ વર્ષેની છેલ્લી એકાદશી સફલા એકાદશીના મુહૂર્ત અને ધ્યાનમાં રાખવા જેવી બાબતો.
સફલા એકાદશી 2022 મુહૂર્ત :
માગશર મહિનાના કૃષ્ણ પક્ષની એકાદશી તિથિ એટલે કે સફલા એકાદશી 19 ડિસેમ્બર, 2022 ના રોજ સવારે 03:32 કલાકે શરૂ થશે અને 20 ડિસેમ્બર, 2022 ના રોજ સવારે 02:32 કલાકે સમાપ્ત થશે. આ રીતે, સફલા એકાદશી વ્રત 19 ડિસેમ્બર 2022, સોમવારના રોજ રાખવામાં આવશે. આ દરમિયાન ભગવાન વિષ્ણુની વિધિ-વિધાન અનુસાર પૂજા કરો. બીજી તરફ, સફલા એકાદશી વ્રતના પારણા કરવાનો શુભ સમય 20 ડિસેમ્બર 2022 ની સવારે 08:05 થી 09:13 સુધીનો રહેશે.
સફલા એકાદશી 2022 ના રોજ કરો આ કામ :
સફલા એકાદશીના દિવસે સવારે વહેલા સ્નાન કરીને ભગવાનની સામે હાથ જોડીને ઉપવાસનો સંકલ્પ લેવો. આ દિવસે સૂર્યને અર્ઘ્ય અર્પણ કરો.
શુભ સમયે સફલા એકાદશી વ્રતની પૂજા કરો. ભગવાન વિષ્ણુને હળદર, અક્ષત (ચોખા), મોસમી ફળ, મીઠાઈ, સોપારી વગેરે અર્પણ કરો. સફલા એકાદશી વ્રતની કથા જરૂર સાંભળો.
એકાદશી વ્રતના દિવસે બ્રહ્મચર્યનું પાલન કરો. બપોરે સૂવું નહીં. ન તો તમારા મોંમાંથી ખરાબ શબ્દ કાઢો અને ન તો તમારા મનમાં ખરાબ વિચારો લાવો. ‘ૐ નમો ભગવતે વાસુદેવાય’ મંત્રનો જાપ કરતા રહો.
જો તમે એકાદશીનું વ્રત ન રાખતા હોવ તો ભૂલથી પણ આ દિવસે ચોખાનું સેવન ન કરો. તેમજ તામસિક ખોરાક ન ખાવો. એકાદશીના દિવસે માંસાહાર- દારૂનું સેવન કરવાથી પાપના ભાગીદાર થવાય છે. આ સિવાય પણ ક્યારેય પણ આ વસ્તુઓ ખાવી-પીવી જોઈએ નહીં.
એકાદશીના દિવસે ન તો તુલસીને સ્પર્શ કરો, ન તો જળ ચઢાવો કે ન તો તુલસીના પાન તોડવા. એકાદશીના દિવસે તુલસીને સ્પર્શ કરવાથી પણ ભગવાન વિષ્ણુ ક્રોધિત થઈ જાય છે.
આ વ્રતના દિવસે દાન જરૂર કરો. કોઈપણ જીવને નુકસાન ન પહોંચાડો. નખ અને વાળ કાપવા નહીં.
