નવી દિલ્હી: જિનેવામાં આવેલ વિશ્વ મૌસમ વિજ્ઞાન સંગઠન (World Meteorological Organization) દ્વારા મંગળવારે જાહેર કરવામા આવેલા એક નવા રિપોર્ટ અનુસાર, ભારત, ચીન, બાંગ્લાદેશ અને નેધરલેન્ડ વૈશ્વિક સ્તર પર સમુદ્રીજળસ્તરમાં વધારાના ઉચ્ચતમ ખતરાનો સામનો કરી રહ્યા છે. WMOના રિપોર્ટ ગ્લોબલ સી-લેવલ રાઈઝ એન્ડ ઈંપ્લીકેશન્સમાં કહેવાયું છે કે, વિવિધ મહાદ્વિપોના કેટલાય મોટા શહેર સમુદ્રી જળસ્તરમાં વધારાના કારણે ડૂબવાના ખતરાનો સામનો કરી રહ્યા છે. તેમાં શાંધાઈ, બેન્કોંક, જકાર્તા, મુંબઈ, માપુટો, લાગોસ, કાહિરા, લંડન, કોપેનહેગન, ન્યૂયોર્ક, લોસ એંજિલ્સ, બ્યૂનસ આયર્સ અને સેંન્ટિયાગો સામેલ છે.
દ ઈંડિયન એક્સપ્રેસમાં પ્રકાશિત રિપોર્ટમાં WMOના હવાલેથી કહેવાયું છે કે, આ એક મુખ્ય આર્થિક, સામાજિક અને માનવીય પડકાર છે. સમુદ્રના સ્તરમાં વધારાથી તટિય કૃષિ ભૂમિ અને જળ ભંડાર અને માળખાગત ઢાંચા સાથે સાથે માનવ જીવન અને આજીવિકાને ખતરો છે. સરેરાશ સમુદ્ર સ્તરનો વધારો પ્રભાવોને તોફાનનો વધારો અને જ્વારીય વિવિધતાઓથી પ્રોત્સાહન મળે છે, જેમ કે ન્યૂયોર્કમાં તોફાન સેન્ડી અને મોઝામ્બિકમાં ચક્રવાત ઈડાઈની લેંડફોલ દરમિયાન સ્થિતી બની હતી. જળવાયુ મોડલ અને મહાસાગર વાયુમંડળ ભૌતિકી પર આધારિત ભવિષ્યના અનુમાનો અનુસાર, WMOએ જણાવ્યું કે, અંટાર્કટિકામાં સૌથી મોટા ગ્લેશિયરને પિગળવાની ગતિ અનિશ્ચિત છે.
WMO અનુસાર , જો વૈશ્વિક સરેરાશ સમુદ્ર સ્તર 2020ના સ્તરના સાપેક્ષ 0.15 મીટર વધી જાય છે, તો સંભવિત રીતે 100 વર્ષના તટીય પુરથી સંપર્કમાં આવનારી વસ્તીમાં લગભગ 20 ટકાનો વધારો હોવાનું અનુમાન છે. સમુદ્રના સરેરાશ સ્તરમાં 0.75 મીટરનો વધારો હોવા પર 40 ટકા અને 1.4 મીટરનો વધારો હોવા પર 60 ટકા વસ્તી તટીય વધારાથી પ્રભાવિત હશે. આ રિપોર્ટ મુજબ 2020 સુધી વૈશ્વિક વસ્તીનો લગબગ 11 ટકા એટલે કે, 896 મિલિયન લોકો ઓછી ઉંચાઈવાળા તટીય ક્ષેત્રોમાં રહે છે. સંભવત: 2050 સુધી આ વસ્તી 1 બિલિયનથી વધારે થઈ જશે. આ લોકો સમુદ્રના સ્તરમાં વધારા સહિત જળવાયુ પરિવર્તનના કારણે વધતા જોખમનો સામનો કરી રહ્યા છે.
