તારક મહેતા કા ઉલ્ટા ચશ્મામાં ભીડેનું પાત્ર નિભાવતા મંદાર ચાંદવડકરે પત્ની સ્નેહલ ચાંદવડકર સાથેની તસવીર શેર કરી છે. આ તસવીર તેઓ જન્મદિવસ પર ફરવા ગયા હતા ત્યારની છે.
ઈન્સ્ટાગ્રામ પર શેર કરી તસવીરો
મંદારે પોતાના ઈન્સ્ટાગ્રામ પર આ પોસ્ટ શેર કરી છે. જેમાં તેઓ કોઈ ગ્રામ્ય વિસ્તારમાં ચાનો આનંદ લૂંટતા હોય તેવું જોવા મળે છે. મંદાર તેમની પત્ની સાથે ખૂબ જ સુંદર દેખાય છે. તેના ખભા પર ચાની ટોપલી લટકેલી જોવા મળે છે. બીજી તરફ તેમની પત્ની તેની સાથે પોઝ આપી રહી છે. મંદારે બે તસવીરો શેર કરી છે. એક તસવીરમાં તે ચાની ટોપલી લટકાવીને જોવા મળે છે. જ્યારે બીજીમાં પત્ની સ્નેહલ તેની પીઠ પર વાંસની ચા એકઠી કરવાની ટોપલી લઈ જોવા મળે છે.
મંદારે મીલીટરી જેવું લીલા રંગનું પેન્ટ અને સ્વેટશર્ટ પહેર્યું હતું. જ્યારે તેની પત્ની સ્નેહલ ચાંદવડકરે ગુલાબી જોગિંગ અને વાદળી સ્વેટશર્ટ પહેર્યું હતું. મંદારે આ પોસ્ટને કેપ્શન આપ્યું છે કે, “પ્રેમ કૃતજ્ઞતા શાંતિ આભાર.”
ચાહકો કરી રહ્યા છે ફની કૉમેન્ટ્સ
આ પોસ્ટ જોયા પછી ભીડેના ઘણા ચાહકોએ પોસ્ટ હેઠળ કેટલીક ફની કૉમેન્ટ કરી હતી. પોસ્ટના કોમેન્ટ બોક્સમાં એક ચાહકે લખ્યું હતું કે “ભાયંકર ભીડેનો હાફ લુક???”. બીજી કોમેન્ટમાં લખ્યું હતું કે “આખરે આત્મા રામ તુકારામ ભીડે તેમના જમાનામાં પહોચી ગયા… અન્ય એક યુઝરે લખ્યું હતું કે ભિડે ભાઈ, શું તમે આજે ટ્યુશન ક્લાસની રજા રાખી છે કે શું?
તાજેતરમાં, BTને આપેલા એક્સક્લુઝિવમાં, મંદાર ચાંદવડકરે શેર કર્યું હતું કે, આ શોને નવા ટપુ તરીકે નીતીશ ભાલુની મળ્યો છે. એવું લાગે છે કે તે ટૂંક સમયમાં જ આ શોનું શૂટિંગ શરૂ કરશે. નીતીશ અગાઉ મેરી ડોલી અરમાનોં કી શોમાં જોવા મળ્યો હતો અને હવે એક અભિનેતા તરીકે તારક મહેતા તેનો મોટો બ્રેક શો હશે.
અહીં ઉલ્લેખનીય છે કે, જુલાઈ 2008માં ટેલિવિઝન પર ડેબ્યૂ કરનાર તારક મહેતા કા ઉલ્ટા ચશ્મા છેલ્લા 15 વર્ષથી દર્શકોનું મનોરંજન કરી રહ્યો છે. આ શો લોકોને ખૂબ ગમ્યો છે. આટલા વર્ષોમાં શોના ઘણા કલાકાર બદલાય ગયા છે.
